Prinsenbal

Hoi Véngneuze en Véngneuzerinne!

Nò wéékelang ut groeëte geheim vur ons te hebbe gehaauwe was ut op zótterdig de vértiende januari dan eindelik zówitj...ut Prinsebál van de Véngneuze in de Vangrail.
We ginge mi de Ró van éllef, de Kammereuj, de voorst en de adjudante nor bóóve. Dor was iederieën super benééjd wie dur Prins en Prinses zon wéére.
Ut woor dór bóóve bekéénd gemakt wie ut waare en we waare tóch wal un bieëtje zinuwèchtig... Toen ze zin dé de Prins op moos stao stong Merlijn inéns op.

Sommige meide han di wal un bieëtje verwaacht. Dornò moost de Prinses opstao, Anne stóng op en de meide han dit héllemol nie èn zien komme… mér sommige jongens han al un vermoedde. Rond hallef néége ginge we nor benééje mi masker en pruuk op zode niemus ons koos herkenne. De zaal was lekker vol, zelfs Prins John, de Ró van éllef en ut kommitéé van de Kieveloeët waare ènwéézig. Ieën vur ieën woor iederieën bekénd gemakt. En as lééste waare wij èn de beurt. Dornao koos un fést beginne mi de pólonééze.
D’r woor dun hellen aovond gedanst en gefést. Ut waar super gezellig en ut fést ging dur tot in de laate uure: Ut waar un geweldig begin van de Vasteloavestidj!
We wille iederieën bedanke en mi name ut bestuur van de Véngneuze, ut hélle gezellige clupke van de Ró van élluf, de Kammereuj,
Prins John (die trouwes hél goe kan danse en zinge!), de Kieveloeët, de Klépbokse, Ronald en Marie-Louise van de Vangrail (want dór hebbe we un sjon féstje kanne bouwe),
en natuurlik iederieën die dur bij was! Als klap op de vuurpieël kaamme we thusj en waaren ók nog onze husjer hellemól versierd, dus we wille iederieën die dor mi mee hi geholpe ók hél erreg bedanke! Hopelik tot ut volgende fést!

En dan slutje we af mi onze spreuk:

Nòw èfkes nie lieëre,
mèr duchtig Vastelaovend viere!

Groetjes Prins Merlijn en Prinses Anne!